الرئيسية / علوم و تكنولوجيا / نصائح بنكية: متكونش ضحية نصب بالشيك المضمون

نصائح بنكية: متكونش ضحية نصب بالشيك المضمون

نصائح بنكية: متكونش ضحية نصب بالشيك المضمون

 

للأسف باقي كيوقع العديد من المواطنين المغاربة في فخ النصابين الي كيطوروا يوما بعد يوم طرق النصب و الي غادي نقوموا بحول الله فهاد الصفحة بشرحها و توعية المتابعين ديالنا و لما لا تشاركوا المنشور مع اصحابكم لتعم الفائدة .. الشيك المضمون او cheque certifié كيكون مضمون من طرف البنك يعني كمثال البائع (mourad) غادي يشري من عندوا الزبون (hassan) سلعة معنية و تافقو على الثمن، الزبون hassan غادي يمشي للوكالة ديالو و كيطلب منها تجمد ليه المبلغ المكتوب في الشيك لفائدة mourad، من بعد تجميد المبلغ كيصبح الشيك مضمون و غادي يتخلص منو مراد 100% بضمانة من البنك ،، و بالتالي ف cheque certifié معروف لدى الجميع انه بحال الى عطاك الزبون الفلوس كاش .. غتقول شناهوا الفرق بين الشيك العادي و المضمون ببساطة فالمضمون كيكون عليه كاشي ديال البنك مكتوب فيه chèque certifié فالامام و كاشي اخر فالخلف كيحمل معلومات مثل رقم الشيك المبلغ تاريخ اصداره و توقيع شخصين من البنك.. الإشكال فين كاين انه بإمكان أي شخص يقاد هاد الكاشيات و يزور الشيك الي غالبا تيكون تا هو مسروق .. بحكم تجربتي فالشيئ الي غيخليك تشك انها عملية نصب فهو إلحاح الزبون انه يعطيك الشيك المضمون نهاية الاسبوع اي من مساء الجمعة الى مساء الاحد ،، علاش ؟ باش متقدرش تواصل مع الوكالة البنكية الي تيكون رقم الهاتف ديالها مكتوب على الشيك و تتأكد واش فعلا الشيك مضمون أو مزور . أنا كموظف بنكي شفت العديد من ضحايا هاد الشيكات و فمبالغ كتجاوز 10 مليون ..

الى أول مرة كتسمع بالنصب بالشيك المضمون متنساش تشاركوا مع اصدقائك.

شاركها

شاهد أيضاً

غابة بوسكورة

غابة بوسكورة

  تمتد غابة بوسكورة مرشيش ،التي تقع في ضواحي مدينة الدار البيضاء، على مساحة 2992 ...